我們的司機

平措羅布

一位經驗豐富、值得信賴嘅司機，2013年已經考取導遊牌照，專門做轉山嘅外語導遊，對西藏文化瞭如指掌。我哋合作超過十年，佢一直以專業、細心同熱誠見稱。無論你想探索壯麗嘅阿里線、感受歷史悠久嘅山南線，定係欣賞風景如畫嘅藏東線，平措都會用佢豐富經驗，確保你每一程都安全舒適，留下難忘回憶。

普布次仁

一位專業外語導遊，喺2013-14年已經攞到導遊牌照，專門接待外賓，特別擅長照顧客人。我哋合作都超過十年，佢係一個典型嘅暖男，細心又有耐性。無論咩線路，佢都駕駛得安全可靠，而且講解詳盡，令你對西藏文化了解更深。如果你希望旅途上有位貼心又專業嘅司機兼導遊，普布一定係你嘅最佳選擇。

旦增旺杰

平措羅布的表弟，和我合作已有七、八年。佢係一個性格害羞、安靜文靜嘅小朋友，但千祈唔好因為咁而小看佢。旦增一直都係團隊裡最任勞任怨、細心體貼嘅司機。佢開車穩重、安全，時刻為行人著想。即使唔多話，當你有疑問時，佢總會耐心解答，講解清楚。如果你本身都係一個內向、鐘意靜靜地感受旅途嘅人，旺義會係你最佳嘅選擇。

米瑪

同我合作已接近十年，米瑪係一位充滿活力嘅司機，2017年就已經攞到導遊牌照。佢性格開朗、愛開玩笑，最鐘意攝影同航拍。如果你係一個喜歡拍照、打卡嘅人，米瑪絕對係你嘅最佳夥伴。佢會帶你去好多靚景點，仲會幫你捕捉旅途中的美好時光。不過，要提醒你，米瑪成日都無句真，如果你冇咩幽默感，可能會覺得佢有啲過火。不過如果你係好玩得，唔介意開玩笑嘅人，咁絕對可以搵佢，保證一路開開心心。

扎西次旺

扎西係我通過平措介紹嘅一位好司機。雖然佢冇導遊牌照，但佢嘅駕駛經驗非常豐富，可以話係干措嘅「師兄」。無論面對啲咩路況，佢都能應對自如，穩定性非常高。扎西中文流利，且非常細心，時刻了解客人的需求，確保你旅程嘅每一刻都安心。佢深受我哋客人嘅喜愛，大家都認為佢係一位穩定、可靠嘅司機，無論何時都能給予你最大的保障。

土登多吉

我同多吉合作咗大約五年，佢性格較為嚴肅，但做事非常一絲不苟，總以穩重同細心著稱。佢係一位穩定可靠嘅司機，經常同其他司機例如平措、米瑪一齊帶團。如果你係需要一位穩重、細心嘅司機，特別係帶年長或比較內向嘅團，多吉係一個唔錯嘅選擇。不過，如果你鐘意航拍或攝影，佢可能唔係最適合，因為佢對呢啲方面冇太大興趣。

單增頓珠

單增係平措嘅同門師兄弟，佢哋差唔多時候一齊開始做旅遊司機。佢係一個駕駛穩健、可靠嘅司機，擁有好多固定嘅客人，經常都好搶手。所以我同佢合作嘅機會唔多。不過，曾經跟過佢團嘅客人都話佢性格好、工作盡責，對客人非常有耐性。如果你有興趣選擇呢位司機，佢絕對會係一個值得信賴嘅選擇。